ᱜᱚᱣᱨᱤᱜᱚᱸᱡᱽ ᱨᱮ ᱚᱞ ᱪᱤᱠᱤ ᱞᱤᱯᱤ ᱨᱮᱱᱟᱜ ᱛᱮᱥᱟᱨ ᱦᱟᱯᱛᱟ ᱠᱞᱟᱥ ᱢᱩᱪᱟᱹᱫ ᱮᱱᱟ ᱾
ᱡᱷᱟᱯᱟ ᱾ ᱜᱚᱣᱨᱤᱜᱚᱸᱡᱽ ᱜᱟᱶᱯᱟᱞᱤᱠᱟ-᱑, ᱠᱩᱧᱡᱤᱵᱟᱨᱤ ᱨᱮ ᱢᱮᱱᱟᱜ ᱥᱨᱤ ᱵᱟᱞ ᱠᱚᱞᱭᱟᱬ ᱢᱟᱫᱷᱭᱚᱢᱤᱠ ᱵᱤᱫᱽᱭᱟᱞᱚᱭ ᱨᱮ ᱪᱟᱞᱟᱜ ᱠᱟᱱ ᱥᱚᱱᱛᱷᱟᱞᱤ 'ᱚᱞ ᱪᱤᱠᱤ' ᱞᱤᱯᱤ ᱵᱟᱵᱚᱛ ᱵᱤᱥᱮᱥ ᱠᱞᱟᱥ ᱨᱮᱱᱟᱜ ᱛᱮᱥᱟᱨ ᱦᱟᱯᱛᱟ ᱠᱞᱟᱥ ᱛᱮᱦᱮᱧ ᱢᱩᱪᱟᱹᱫ ᱮᱱᱟ ᱾
ᱥᱚᱱᱛᱷᱟᱞᱤ ᱯᱟᱹᱨᱥᱤ ᱟᱨ ᱚᱞ ᱪᱤᱠᱤ ᱞᱤᱯᱤ ᱨᱮᱱᱟᱜ ᱵᱟᱧᱪᱟᱣ, ᱯᱟᱥᱱᱟᱣ ᱟᱨ ᱱᱟᱣᱟ ᱯᱤᱲᱦᱤ ᱠᱚ ᱛᱟᱞᱟ ᱨᱮ ᱱᱚᱣᱟ ᱨᱮᱱᱟᱜ ᱜᱽᱭᱟᱱ ᱵᱟᱲᱦᱟᱣ ᱩᱫᱽᱫᱮᱥ ᱛᱮ ᱪᱟᱞᱟᱜ ᱠᱟᱱ ᱠᱞᱟᱥ ᱨᱮ ᱕᱐ ᱡᱚᱱᱟ ᱠᱷᱚᱱ ᱵᱟᱹᱲᱛᱤ ᱭᱟᱜ ᱨᱟᱹᱥᱠᱟᱹ ᱥᱮᱞᱮᱫ ᱛᱟᱦᱮᱸ ᱠᱟᱱᱟ ᱾ 🙏
ᱠᱞᱟᱥ ᱨᱮ ᱟᱛᱩᱴᱚᱞᱟ ᱨᱮᱱ ᱥᱚᱱᱛᱷᱟᱞᱤ ᱯᱟᱹᱴᱷᱩᱣᱟᱹ ᱟᱨ ᱵᱚᱭᱦᱟᱢᱤᱥᱤ ᱠᱚᱣᱟᱜ ᱟᱹᱰᱤ ᱵᱟᱹᱲᱛᱤ ᱥᱮᱞᱮᱫ ᱛᱟᱦᱮᱸ ᱠᱟᱱᱟ ᱾ ᱥᱮᱞᱮᱫᱤᱭᱟᱹ ᱠᱚ ᱚᱞ ᱪᱤᱠᱤ ᱞᱤᱯᱤ ᱪᱮᱫᱚᱜ ᱟᱨ ᱱᱚᱣᱟ ᱨᱮᱱᱟᱜ ᱵᱮᱣᱦᱟᱨ ᱞᱮᱛᱟᱲ ᱫᱚᱦᱚ ᱨᱮ ᱵᱤᱥᱮᱥ ᱫᱷᱭᱟᱱ ᱠᱚ ᱮᱢ ᱟᱠᱟᱫᱟ ᱾
ᱴᱨᱮᱱᱤᱝ ᱜᱚᱲᱚᱭᱤᱡ ᱥᱭᱟᱢ ᱦᱮᱢᱨᱚᱢ ᱥᱮᱞᱮᱫᱤᱭᱟᱹ ᱠᱚᱣᱟᱜ ᱨᱟᱹᱥᱠᱟᱹ ᱥᱮᱞᱮᱫ ᱧᱮᱞ ᱠᱟᱛᱮ ᱨᱟᱹᱥᱠᱟᱹᱭ ᱥᱚᱫᱚᱨ ᱟᱠᱟᱫᱟ ᱟᱨ ᱦᱤᱡᱩᱜ ᱠᱟᱱ ᱫᱤᱱ ᱨᱮ ᱦᱚᱸ ᱱᱚᱝᱠᱟᱱ ᱠᱞᱟᱥ ᱞᱮᱛᱟᱲ ᱪᱟᱞᱟᱣ ᱤᱫᱤ ᱞᱟᱹᱜᱤᱫ ᱥᱮᱞᱮᱫᱤᱭᱟᱹ ᱠᱚ ᱱᱮᱦᱚᱨᱮᱫᱟ ᱢᱮᱱᱛᱮ ᱞᱟᱹᱭ ᱟᱠᱟᱫᱟ ᱾
ᱩᱱᱤᱭᱟᱜ ᱞᱟᱹᱭ ᱞᱮᱠᱟᱛᱮ ᱥᱮᱞᱮᱫᱤᱭᱟᱹ ᱠᱚᱣᱟᱜ ᱟᱹᱰᱤ ᱵᱟᱹᱲᱛᱤ ᱥᱮᱞᱮᱫ ᱛᱮ ᱥᱚᱱᱛᱷᱟᱞᱤ ᱯᱟᱹᱨᱥᱤ ᱟᱨ ᱚᱞ ᱪᱤᱠᱤ ᱞᱤᱯᱤ ᱯᱨᱚᱛᱤ ᱥᱟᱶᱛᱟ ᱨᱮ ᱫᱷᱭᱟᱱ ᱵᱟᱲᱦᱟᱜ ᱠᱟᱱᱟ ᱢᱮᱱᱛᱮ ᱩᱫᱩᱜ ᱮᱫᱟ ᱾
"ᱯᱟᱹᱨᱥᱤ ᱵᱟᱧᱪᱟᱣ ᱢᱮ, ᱞᱤᱯᱤ ᱵᱟᱧᱪᱟᱣ ᱢᱮ, ᱞᱟᱠᱪᱟᱨ ᱵᱟᱧᱪᱟᱣ ᱢᱮ ᱾"
ᱟᱯᱱᱟᱨᱟᱜ ᱯᱟᱹᱨᱥᱤ, ᱞᱤᱯᱤ, ᱞᱟᱠᱪᱟᱨ ᱟᱨ ᱩᱯᱨᱩᱢ ᱵᱟᱧᱪᱟᱣ ᱞᱟᱹᱜᱤᱫ ᱡᱚᱛᱚ ᱦᱚᱲᱟᱜ ᱥᱮᱞᱮᱫ ᱞᱟᱹᱠᱛᱤᱭᱟᱱᱟ ᱾
खबर पढेर तपाईलाई कस्तो महसुस भयो ?
प्रतिकृयाहरू (0)
तपाईंले प्रतिकृया दिन लगइन गर्नुपर्छ।
लगइन गर्नुहोस्